طاروق

[عبدالله الخشم المطيري]

سلام رديه وانا شاعر وللي وجه نضر = والخيل من خيالها والنار من شبابها
الديره اللي مايجي برجالها فعل وسطر = عسى السحاب اللي ترزم مايبل ثيابها

[الاصيله]

السلام عليكم ورحمة الله وبركاته

حلو هالبيت بس عندي نصيحه كملها عشان تكون قصيده كامله يكون افضل من رائي

عموما جدا روعه اللي كتبته مشكور

تقبل مروري البسيط


>> وياريت تأخذ بنصيحتي ...

[العنود العساف]

الله الله
صح لسانك
وبصفك يالمطيري

قبل حضور الشاعر الاخر

[فهيد العنزي]

صح لسانك يالمطيري


ودنا تكمل الدائره بشاعر آخر


بانتظار وانا مع الصفوف

[مفرح السبيعي]

استلم لاهنت


يا مرحبا ترحيبتن تضفي على من هو حضر=ومطير في تالي الزمن نعرف هدير ركابها

مربعين في ديار االعز بدون وحضر=وريح الخزما ونفل تلطمك بريح طيابها

[عبدالله الخشم المطيري]

دام البقا واللي يصيب الادمي حظ وقدر = حظك رمابك لذياب اللي تحد انيابها
انا ترى طرقي وجيب بدار مافيها مطر = خل الشياطين الرجيمه لاتفك ابوابها

[مفرح السبيعي]

اثر تسوم طيبه وف الشبر يابو شبر=والحر مثلك نعرفه مايحوم بحوم عقابها
معصار المعصار ما يثر على عرق الشجر=ولا اليالي تكتسي من سودها جلبابها

[عبدالله الخشم المطيري]

ترى الحباري كلبوها صادها كف الصقر = يوم الحرار الشقر محد ٍِ جاهل بمضرابها
انتا تبا الريف الخضر ولا تبا الموت الحمر ؟= لابد ماتختارها والناس دون اصحابها

[سلطان الدوسري]

.
.
طاروق كايف ياعبدالله ..
ياسلااااااااااااااام عليكم ..
صحة قلوبكم كلكم ..

واكيد انا بصف خالي عبدالله المطيري :)
وااااااااااااااااصلوا لاهنتو انا متابع ..
.
.
إحتراماتي

[مفرح السبيعي]

يا صقر يا صقر الشقى كسرت جناحك منجبر=يكيف نقنص بك وكف عقاب ذا مخلابها
بطح يدينك ونسدح خلك على بطن وضهر=والا اللحى يا طيب الجدين دون اشنابها

[عبدالله الخشم المطيري]

احسبك شاعر معتبر واثرك منته معتبر = ارتاح في خيمتك يامفرح ومس اطنابها
انا صرفت الك الذهب لكن ياوجه الفقر = ماعد تفرق بينهاو عينك ترف اهدابها

[عبدالله الخشم المطيري]

مفرح السبيعي

صح لسانك ولاهنت
سعدت باللعب معك

تحياتي

[مفرح السبيعي]

تكرم الحانا يا وليد البط ماحولك سبر=ولا سيوف الهند نعرف طيبها فنصابها
اقضم حجر وازرط حجر واقضب حجر واحذف حجر=واهل البشوت الضافيه في لبسها تزهابها

[سلطان بن جميله]

طاروق ممتع

وكل شاعر منكم مبدع

بيض الله وجيهكم