سلام لاهل المنتدى رديّه اقسى من الجبال = واللي قبل يقبل ومن عيّا ليا جيته قبل
مانيب احب اهل الحرام وجيت ادوّر للحلال = وصلت يوم محمد المتعب توخّر ما وصل
يامرحبا ياالمشعبي والفال يقفاه العقال= واللي زعل يشرب بحر والا انت تستاهل عسل
السحت ربك حرمه لا فيه شك ولا جدال= جيتك قبل حل الوعد وهلالها مابعد هل
دام البقا عشرين مره لا قصار ولا طوال = ومشاهدك يكفي عن اللي قلت واسلم يا بطل
الحمل لامن ثقل يشتالنّه ظهور الجمال = وحجمك يساوي حجم حملك وابرك ابرك يا جمل
ان روعك زود الحمل اقعد وريح بالظلال = نشتال حملك مع حمول اسبيع والناقص كمل
وشفيك غيرت الصور من بعد ما غاب الهلال = الادمي ما به صبر والجوع يثر بالعقل
ماهي غريبه لو تشيل حمولنا في كل حال = واليا تعبت ارتح يا ابن متعب تحت ظل الدقل
كب الصور واذن على روس الاوادم يا بلال = ولا طريقك مع طريق مسيلمه وابو جهل
من طبعنا حنا كذا نسندك كان الحمل مال = الله خلقنا لغيرنا ظلٍٍ(ن) كما ظل الجبل
الحق واضح منهجه والدين نوره لا يزال = ربك عليم بنيتك والناس تنظر للعمل
قد قالها ضيدان بن قضعان في ماض الليال = ليت الفحل ناقه وليت الناقه تعوّد فحل
لا يرتفع راسك مدام أنّك على جرفٍ هيال = احذر يزل ابك القدم وتطيح في وسط الوحل
"ضيدان" منا يا "سعد" يا خال ياذرب الفعال = منا تعلمت الحكم والناس تشهد بالفعل
حنا الشيوخ بفعلنا وايضا شيوخٍ(ن) باالمقال =ارقى جبل وانزل سهل واصعد وعر وادخل دحل
]]>